CHEGGE, SHETTA WAKIONA AIRPORT

WAKATI mwanasoka Joseph Kaniki ‘Golota’, bondia Karim Matumla na msanii Agnes Gerald wakifikishwa mahakamani juzi (Jumatano) katika nchi mbili tofauti barani Afrika, wana Bongo Fleva maarufu nchini, Chegge Chigunda na Hassan Bilal ‘Shetta’, Jumanne iliyopita walikiona cha moto baada ya kuhisiwa kubeba ‘poda’ na hivyo kufanyiwa upekuzi mkali katika Uwanja wa Ndege wa Zanzibar.
Habari zilizopatikana juzikati zinasema, Chegge na Shetta walisafiri salama kwa boti kutoka Dar es Salaam kwenda Zanzibar wakiwa safarini kuelekea Mombasa walikoalikwa kwa ajili ya shoo.
“Wale askari wa uwanjani baada ya kuwaona wasanii hao waliwatilia shaka kwa nini wapandie ndege Zanzibar badala ya Dar es Salaam, wakahisi wamebeba mzigo, basi walifanyiwa upekuzi mkali, mizigo yao ilitolewa kila kitu, kwa kweli walihenya ile mbaya.

Shetta.

“Lakini kitu cha kushangaza ni kwamba waliopekuliwa namna hiyo ni wao tu, watu wengine walisachiwa kidogo na kuachiwa wapite. Pamoja na kwamba ni vita nzuri ya kupambana na mihadarati lakini wakati mwingine ni ‘too much’,” kilisema chanzo chetu kilichoshuhudia tukio hilo.

Chegge.

Hata hivyo, baadhi ya mashuhuda walisema Chegge na Shetta walisafiri kwa boti hadi Zanzibar na baadaye kupanda ndege kuelekea Mombasa kwa vile ipo ndege inayokwenda na kurudi baina ya miji hiyo miwili tu ya pembezoni mwa Bahari ya Hindi.